Ermuko saihesbidearen maketa Teresa Murgan jarriko ikusgai

Ermuko saihesbidearen maketa Teresa Murga eraikinaren sarreran jarriko ikusgai lau astez. Bizkaiko Foru Diputatu nagusi, Jose Luis Bilbao, obretako foru diputatu Itziar Garamendi, herriko alkate Carlos Totorika eta udalbatza-kideek astelehen eguerdian inauguratuko dute eskualdeko azpiegitura berriak biltzen dituen erakusketa. Inaugurazio ekitaldira deituta daude herrian industria, ekonomi, merkataritza eta kultura alorretako eragile eta ordezkariak. Eta baita ondoko eta bizilagun ditugun herrietako agintari eta ordezkari politikoek. Maketak Foru Aldundiarenak dira, erakundeak finantzatuko baititu lurraldeko komunikabide berriak.

Maketak Ermuan irailaren 6tik 30era bitartean izango dira. Erakusketa lanegunetan zabalaik izango da etenik gabe, goizeko 10etatik iluntzeko 8etara bitartean. Asteburuetan maketak goizeko eta arratsaldeko ordutegian ikusi ahal i zango dira, goizez 10etatik ordu 2etara eta, arratsaldez, 17:00etatik 20:00etara bitartean. Foru Aldundiak erakusketako materialaren inguruan informatzeko eta bisitarien zalantzak argitzeko langileak ekarriko ditu. Horiek lan egunetan egongo dira, goizeko 11etatik ordu 1etara eta arratsaldeko 5etatik 8etara bitarteko ordutegian.

Saihesbidearen ezaugarriak

Ermuko saihesbideak bost kilometro eta berrehun metroko luzera izango du eta bi zatitan banaturik egongo da; bati “hegoaldeko saihesbidea” deituko zaio eta besteari “mendebaldekoa”. Azken horrek Ermua eta Mallabian lortzen dituen BI-3302 eta Ermua-Gomezeaga BI-2301 bideak lotuko ditu, horiek eta baita horiek 634 errepide nazionalarekin. Horrez gain, Urtia eta Goitondo industrialdeetan dauden enpresei ere zerbitzu emanez. Lana berrogeita bost hilabetetan bukatzea aurreikusita dago.

Hegoaldeko saihesbidearen trazadura Areitiotik datorren errepidean izango den errotonda batekin hasiko da. Hori egungo autopistarekiko lerro zuzen joango da Sallabenteko errotondara arte, non Eibarkoarekin bat egingo duen. Bide hau egitean A-8 autobiderako sarbide eta aterabide berria egitea dakar, egun dagoena lekuz aldatuz.