Elikagaien erabiltzaile agiria lortzeko ikastaroa

Ermuko Merkatari eta Ostalarien Elkarteak (EMOEk) ikastaroa antolatu du herrian bertan elikagaien erabiltzaile agiria lortzeko interesa izan dezaketen guztientzat. Ikastaroa Lobiano Kultur Gunean egingo da urriko azken asteko bi egunetan eta azaoaren lehen asteko beste batean. Ikastaroa Adesa Formación S.C. enpresa arabarrak emango du. Ikastaroaren ezaugarriak honakoak dira: programatutako hiru egunetan (norberak aukeratzeko) saio bakarra izango da, lau ordukoa eta izen-emateak 60 eurokoa izango pertsonako. EMOEko bazkideek izen-ematean %30eko deskontua izango dute. Inoren kontura lan egiten dutenen matrikula-kostuak hobariak ditu eta osorik doan izan daiteke.

Ikastaro hau egiten duten pertsonek elikagaien erabiltzaile agiri berria (2010eko otsailean argitaratutako araudiaren araberakoa) jasoko dute, zeina elikagaiek jarraitzen duten katean lan egiten duten guztientzat baliogarri den: industrian, ostalaritzan nahiz dendetan dabiltzanentzat. Ikastaroaren inguruko zehetasun guztiak, hori iragartzeko prestatu den kartelean jasotzen dira. Guk hori honen azpian eskaintzen dizuegu.

• Ikastaroa iragartzeko kartela