Ermuko Saihesbidearen lanak etetaren kontrako manifestazioak eragindakoak

Otsailaren 18ko larunbatean, Ermuko saihesbidearen lanak etetearen kontrako manifestazioak N-634ko errepidea, Ermuko zatian eta Eibar/Donostia norabidean 12:00etatik aurrera eta ekitaldia amaitu bitartean moztea eragingo du. Halaber, AP-8 autopistak Ermuan duen sarrera-irteera oztopatuko da eta baita Ermutik irten nahi izango duten ibilgailu guztien irteera ere.

Ermuko Udalak landutako manifestazioaren segurtasunerako protokoloan kontuan hartzen dituen arriskuen artean, manifestazioak irauten duen bitartean, N-634 errepidea itxita egoteak ibilgailu astunak geldiarazi eta Urtia eta Goitiondo industria-guneko enpresak zein herriko merkatarientzako lanen kudeaketan, horniduran edota materiaren harreran eragina izan dezake.

Jakinaren gainean daude Merkatari eta Ostalariak, enpresariak, Bizkaibus, Euskotren, Pesa, Alsa, Interbiak eta Bidegi

Arrisku hau gutxitzearren Ermuko Enpresarioen Elkartegoaren eta Ermuko Merkatari eta tabernarien esku-hartzea eskatu da, biharko egunean, eguerdiko 12:00etatik eta manifestazio amaitu artean N-634 errepidea itxita dagoen bitartean, euren bazkideei ohartarazi eta materialak hornitzeko garraioak eta bisita ordutegiak moldatzeko.

Beste aldetik, herria zeharkatzen duten bidaiarien agentziei, hala nola, Bizkaibus, Euskotren, Pesa eta Alsa autobus enpresei jakinarazi zaie N-634 errepidea itxita dagoen bitartean sor daitezkeen ibilgailu metaketek euren zerbitzuan ere eragina izan dezaketela. Hori dela eta, erabiltzaileei horren berri ematea eskatu egin zaie, aldez aurretik jakinean egoteko eta molda daitezen.

Azkenik, AP-8 autopista kudeatzen duten Interbiak eta Bidegi empresei laguntzea eta beharrezko neurriak hartzeko eskatu zaie, AP-8 Autopistako Bizkaia eta Gipuzkoako zati honetan, otsailaren 18ko larunbatean 12:00etatik 14:00etara sor daitezkeen ibilgailu metaketak kontuan hartu eta erabiltzaileei aldez aurretik horren berri eman diezaieten.