Goienkale 43ko ezponda egokonkorturik utzi da

Goienkale 43ko etxebizitzaren aurrez aurreko ezponda egonkorturik utzi da gaur eta teknikariek ez dute espero material gehiagorik jausiko denik. Nolanahi ere, pertsona eta ondasunak babesteko ezarrita dauden neurriak bere horretan mantenduko dira, gutxienez datorren astera bitartean. Koordinazio taldea datorren astelehenean bilduko da ostera ere, gorabeherari behin betiko konponbidea emateko zein izan daitekeen aproposena erabakitzeko. Agustin Larrea geologoa gaur goizean gertakizuna ikusten egon da, eta egindako analisiaren arabera astelehenean erabakirik onena espero dute. Jausi diren harri eta lurrek hasieran uste baino askoz gehiago izan dira. Lanak Markinako Artibai Hondeaketa enpresako langileek ari dira egiten.