Ingurumenaren nazioarteko egunean aurkeztu zen ‘Lur Denok’ proiektua

Lur-denok proiektuaren aurkezpen ekitaldia izan genuen Ermuko Lobiano Kultugunean, Ingurumenaren nazioarteko Egunean. Lur-denok elikagaien –ortuari eta barazkien ekoizpen ekologikoa lantzen duen proiektua da, baratzeetan oinarriturik dagoena eta aurkezpen ekitaldia Ingurumen Heziketako udal Zerbitzuak 20. urteurrena bete izangatiko ospakizunen barne txertatu da.

Carlos Totorika alkateak hitzaldiaren aurkezpena egin zuen. Harekin batera, Eusko Jaurlaritzaren Ingurugelako zuzendaria, Angelica San Martin, egon zen. Ingurugela Ingurumen Heziketarako Euskal Zerbitzua da.

Hitzaldira hogeita hamar bat pertsona bertaratu ziren, Mikel Rubiralta nekazal-ingeniariaren hitzak eta azalpenak entzuteko. Lur-denok S.M.ko kideak enpresaren proiektua aurkeztu zuen.

Lur denok S.M. Ner group barruan agertzen den lehen enpresa-ekimena da. Euskal Herriko baratzeetan landutako produktu edo elikagai ekologikoen ekoizpenera eta banaketara zuzendutako jarduera duena. Bazkideek kide izateko kapitala jartzen dute. Enpresak abandonaturik zeuden lurrak berreskuratu eta lantzen ditu produktu ekologikoak ekoizteko, horiek bazkideen artean edo dituen frankizietan banatzeko xedez.

Une honetan ortua dute Astigarragan eta Bizkaiko Lurralde Historikoan bigarren bat jartzeko lanean ari dira buru-belarri.

Argibide gehiagorako kontsultatu enpresaren webgunea.

• Lur-denok proiektua azaltzen duen hiru orrikoa