Izelaieta kaleko 10. eraikinaren atzeko gehigarria desagertzear dago

Izelaieta kaleko 10. eraikinaren atzeko aldean eraikitako gehigarria eta Valdespina Markesaren parkeko zatia hartzen zuena desagertzear dago. Construcciones Lasuen S.A.k eraitsi egin du aste honetan zehar, aurreikusitako lan-ildoari jarraiki. Lenenengo uralitazko teilatua eta horren euskarria desmuntatu dute eskuz eta makineriarik gabe; jarraian aurrez ekoiztutako bloke eta materiala eraitsi dute. Une honetan eraikinaren oinarri edo zolari aurre egiten ari dira eta hondarrak erretiratu ondoren, industri erabilera izan duen lurra aztertuko du, errekuperatu eta berdegune batean lagatzeko.

Lana 33.366,44 eurotan esleitu zaio enpresari eta horiek egiteko bi hilabeteko epea izango duenez, urriaren erdialderako guztia amaituta izatea aurreikusita dago. Inolako gorabeherarik izaten ez bada behintzat. Segurtasun arrazoiak direla-eta, hesiak jarri dira zonaldean inor ez sartzeko, horiek hondakinak kendu ondoren erretiratuko direlarik. Enpresak errausketa gaurkoan, abuztuaren 30eko ostiralean, amaitzea espero du, ondoren lurra analizatzen hasiko delarik.