Hirigunean asfaltatze lanak egingo gauez

Udal hirigintza alorrak ezagutzera eman duenez gaurko eta biharko gauetan asfaltatze lanak egingo ditu Kaltxango errotondaren inguruan eta hortik VI. Mendurrena, Valdespina markesa eta Zearkalera doazen zatietan. Lanei hasiera emango zaie gaueko 10etan eta guztia aurreikusi bezala badoa, goizaldeko 6etan amaituko. Lanak gauez egitea erabaki da, zonalde horretan trafiko intentsitatea oso handia delako eta horri eraginik gutxiena egiteko helburuaz. Lan horiek direla-eta, noranzko ezberdina daramaten automobilek txandaka pasa beharko dute hainbatean. Zonaldea seinaleztaturik egongo da eta adierazpenak ematen langile bat ere egongo delarik.

Lanak egiteko kontratatu izan den empresak Kaltxango errotondatik hirigunera ezkerretik Zearkalerantz- eta eskumatik –Baldespinara- sartzeko erreiak asfaltatuko ditu. Asfaltatze lanak amaitu ondoren seinaleztapen horizontala pintatuko dute. Hirigintza alorrak aipatu lanak gauez egiteak sortarazi ditzaken zarata eta eragozpenak barkatzeko eskatu dute.

Bizkaiko Foru Aldundiari lanen berri eman zaio, jakinaren gainean jarriz.