Unebide Obras y Contratas S.M. enpresak Ikastolako estalkiak irazgaiztuko ditu

Unebide Obras y Contratas S.M. enpresak Anaitasuna Ikastolako estalkiak irazgaiztzeko lanak egiten ari da aurreko asteaz geroztik. Azkoitiako firmak obra 170.178,00 €uroren truke egingo du, BEZ barne. Kopurua enkantera ateratako kopuruaren azpitik dago, hain zuzen ere ia heren bat (%32,345) gutxiago baita. Eusko Jaurlaritzak 150.922,54 €tako diru-laguntza emango dio gure udalari, konponketa hori egin dadila finantzatzen laguntzeko, Hezkuntza, Politika Linguistikoa eta Kultura Sailburuak 2013ko abenduaren 4ko Aginduan –Udalaguntza 2013 izenaz ezagutzen den xedapenean- arautzen zituen laguntza ildoari jarraiki. Jaurlaritzak emango duen diru-kopurua hasierako aurrekontuaren %60 da.

Lehiaketara hiru enpresa aurkeztu dira; Construcciones Olabarri S.M., Baskolan Construcción eta Unebide Obras y Contratas S.M. Kontratazio-mahaia hainbat aldiz bildu da, lehenengoz ekainaren 25ean eta aurkeztutako agiriak aztertu eta gero, horiek ontzat eman eta enpresa guztiak onartu zituen prozesuan parte hartzeko. Egun hartan enpresek proposatutako obra-planak, aukera berdintasunekoak eta hobekuntzak baloratu zituzten. Bigarren bilera, uztailaren 2an egin zen enpresei bertaratzeko gonbitea luzatuz, guztien aurrean proposamen ekonomikoen gutun-azalak irekitzeko xedez.

Enpresa bakoitzaren proposamenak, BEZ barne, ondorengo taulak zehaztutakoak izan ziren:

Baldintza pleguan ezarritakoarekin bat, ondoren zehazturiko formula aplikatu zen puntuazioak zehazte aldera:

Enpresa bakoitzari emaniko puntuazioa balorazio ekonomikoa deritzan laukitxoaren azpian zehazten dena da, horri aldez aurretik 2. gutun-azala baloratu ondoren emanikoa batuaz gero, lehiaketan guztira izandako emaitza delarik.

Hori horrela eta emaitzaren arabera, Anaitasuna Ikastolako estalkiak irazgaiztzeko lanak Unebide Obras y Contratas S.M. enpresari egokitu zaio. Azkoitiako firmak obra 170.178,00 €uroren truke egingo du, BEZ barne. Enpresak hilabetea du lanak egiteko, uztailaren 16ko asteazkenean egin zen zuinketa-aktaren ondorengo egunetik kontatzen hasita, abuztuaren 17ra bitartean.

Udalaren jabetzakoak diren eraikinak mantentzeko erakundeak urtero egiten dituen jardueren barne dago jarduera hau. Aurtengoan, Ikastolako estalkia konpontzea aurreikusi da itoginak zeudelako, 251.537,57 € uroko aurrekontuaz, BEZ barne.