San Juan sua piztuko da gaur Ermuko plazan

Urtero legez, gaur, ekainak 23, San Juan sua ospatuko da Orbe Kardinalaren plazan. Ekitaldia Euskal Birusa elkarteak eta Txindurri Txistu eta Dantza Taldeak antolatu dute, eta udalaren babesa izango dute.

22:00etan hasiko da festa akelarrearekin, eta irrintzi lehiaketa, San Juan kantua eta korru dantzak ere egingo dira urteko sasoirik alaienari behar bezalako ongietorria emateko. 23:30ean, suzko zezenak argiz eta kolorez beteko ditu Ermuko kaleak.

Xehetasun gehiagorako, ekitaldiaren kartela ikus dezakezue lerro hauen azpian.