Bi gauetan autobidea Ermuan moztuta egongo da, Bilborako noranzkoan

Foru Aldundiaren lnterbiak sozietate publikoak iragarri eta ezagutarazi duenez AP-8 autobidea –enbor osoa- itxita egonen da gaurko eta biharko –astearte eta asteazken gauetan-, Bilborako noranzkoan. Hain zuzen ere, 75. kilometrotik 78ra tartekoan, Ermua udalerriaren parean. Erabiltzaileoi jakinarazi zaigunez bide-mozketa horren arrazoia gidarioi idatzizko mezuak eskaintzeko azpiegituraren puntu horretan dagoen arkupea lekuz aldatzeko lanak egin ahal izatea da. Aipatu arkupe hori lekuz aldatu behar da Ermuan saihesbidea egiteko lanak aurrea jarraitu ahal izateko.

Bilborako noranzkoan doazen ibilgailuek Ermuko irteera, 75. irteera, hartu beharko dute, eta N-634 errepidetik jarraitu Bilborantz. Ermuan Bilborantz joateko autopistan sartu nahi duten ibilgailuek, berriz, ezingo dute sarrera hori erabili itxita egonen delako, eta N-634 errepidetik jarraitu beharko dute. Kasu bietan, Matiena auzoko sarreran (Abadiñon) sartu ahal izango dira AP-8 autobidera beren bidea jarraitzeko.

Interbiak gorabeheraren berri eman du bere webgunean eta baita Foru Aldundiarenean. Eta iragarkiak argitaratu ditu egunkarietan. Sozietateak desbideratzeak adierazteko seinaleak jarriko ditu. Mozketengatik, eragozpenak barkatzeko eskatu du.