Zirkulazioan etenak Sallabente eta Eitzaga artean

Ermuko saihesbideko obrak aurrera doaz, eta datozen asteetan trafikoan eragina izango dute. Izan ere, Hirigintza Alorretik jakinarazi dutenez, Sallabente eta Eitzaga auzoen arteko errepidean, zirkulazioan etenak izango dira zenbait hilabetez.

Lanak burutzen ari diren enpresek adierazi dutenez, Olaetxe baserriaren eta Eitzagako ponpatze-estazioaren arteko errepideko errei bat moztuta egongo da. 150 metro inguruko bidea da, eta semaforoen bidez erregulatuko da trafikoa. Gainera, oinezkoentzat bidea prestatuko dute, errepidearen eta errekaren arteko gunean.

Mozketak datorren asteazkenean, abuztuaren 5ean hasiko dira, eta hiru hilabete inguru iraungo dutela uste da.

Saihesbideko tunel baten sarrerara doan biaduktuaren zutabeak eraikitzen ari dira, eta horregatik itxiko dute bidea aste batzuetarako.