'Arratsaldean kontu kontari' saioak izango dira udal liburutegian

Udako atsedenaldiaren ostean, ‘Arratsaldean kontu kontari’ ipuin kontaketa saioak antolatu ditu berriro Ermuko udal liburutegiak.

Lehenengo saioa larunbat honetan izango da azaroaren 7an. Eneritz Artetxe ipuin kontalariak eskainiko du ekimena, ‘Zenbat gurari!’ izenburupean.

Kontaketa 17:30ean hasiko da haur liburutegian, eta 50 minutu inguruko iraupena izango du. Sarrera doakoa da, eta 4 eta 8 urte arteko umeei zuzenduta dago. Etenik ez sortzeko, puntualtasuna eskatzen da.

‘Arratsaldean kontu kontari’ ekimenaren helburuak ahozkotasunaren bitartez irakurtzeko zaletasuna sustatzea eta haur liburutegia asteburuetako aisialdi gune gisa ikustea dira.