Trafiko mozketak autobidean

Bizkaiko Foru Aldundiak jakinarazi duenez, bi trafiko mozketa egingo dira gauez AP-8 errepidean, bai gaur, baita bihar ere.

Gaur, osteguna, 22:00etatik aurrera, Ermuko eta Gerediagako lotuneen arteko errepidea itxita egongo da Bilborako noranzkoan, bihar goizeko 06:00ak arte.

Bihar gauean ere, mozketa berdina egongo da 23:00etan hasi eta larunbat goizeko seiak arte.

Mozketa dela eta, Ermuko ordainlekuan ibilgailuak N-634 errepidera bideratuko dira. Gainera, Gerediagako AP-8rako sarbideak ere itxi egingo da Bilboko noranzkoan.

Aldundiak barkamena eskatzen du trafiko-gorabehera horrek sor ditzakeen eragozpenengatik.