Zerukoako eskailera mekanikoa, matxuragatik geldirik

Udaleko Bulego Teknikotik jakinarazi dutenez, Zerukoa kaleko lehenengo zatiko eskailera mekanikoak zerbitzuz kanpo daramatza egun batzuk, matxura bat dela eta. Dirudienez, mailen kateko gurpiletako bat apurtuta dago, eta ezin da martxan jarri.

Arrapalak eta eskailerak mantentzeaz arduratzen den Thyssenkrupp Elevadores, S.L.U. enpresak azaldu duenez, azken egunotan izaten ari garen eguraldi txarra dela eta, oraindik ezin izan da eskailera normaltasunez abian jartzeko behar den zatia aldatu. Dena den, piezak eta beharrezko material guztiak prest dituenez, euriteak gelditu bezain pronto matxura konpontzeko lanetan hasiko direla adierazi du; beraz, uste da astelehenean bertan ekingo zaiela lanei.

Bestalde, Iparragirre kaleko eskailerak ere errebisatu dira aste honetan, mantentze zerbitzuari jarraiki. Asteazkenean bertan kale horretako bigarren zatiko eskaileraren kate nagusia aldatu zen, tarteka geldialdiak eragiten zituela ikusi baita.

Azkenik, Iparragirre 1 kaleko zatiari ere katea aldatuko zaio datozen egunetan, eskaileren funtzionamendua egokia izan dadin.