Eitzako bidea goizetik arratsera itxita izango da datorren asteko hiru egunetan

Ermuko Hegoaldeko Saihesbidearen obrak aurrera jarraituko dute datorren astean, eta horrek hainbat eragozpen eta afekzio ekarriko ditu astelehenetik asteazkenerako hiru egunetan. Lanen zuzendaritzatik jakinarazi dutenez, Eitzaga auzora doan bidea itxita egongo da datorren abuztuaren 29, 30 eta 31n, Olaetxe baserriaren ondotik. Egin beharreko obrak goizeko 08:00etatik 19:00etara burutuko dira.

Bidea oinezkoentzat zein ibilgailuetarako egongo da itxita. Ibilgailuentzat proposatzen den ordezko bidea N-634 hartzea da, Areitio gaineraino, eta handik AP-8 autobidearen hegoaldean ondo-ondotik doan hormigoizko bidea hartzea Eitzaga auzoraino.

Argibide gehiago nahi edo behar izanez gero, Izelaieta kaleko bigarren zenbakian herritarren arretarako bulegoa dago zabalik. Bestela, 656 777 415 telefono zenbakira deitu edota info.varianteermua@gmail.com helbidera idatzi daiteke.