AP-8 errepidea itxita egongo da gaur gauean Donostiarako norazkoan

Interbiak Sozietate Publikoak jakinarazi duenez, gaur astelehena 22:00etan hasi eta bihar goizeko 06:00ak arte AP-8 autopista itxita egongo da Gerediaga eta Ermua artean, Donostiarako noranzkoko galtzadan.

Ermuko Hegoaldeko Saihesbidearen eraikuntza lanak direla eta moztuko da errepidea. Gerediagatik (84. kilometroa) Ermura (75. kilometroa) joan behar duten gidarientzat honako aukerak proposatu ditu Interbiakek:

• Donostiarantz doazen ibilgailuak N-634 errepidera bideratuko dira Gerediagako lotunean, eta Ermuko lotunean sartuko dira berriro autobidera.
• Elorriotik datozen ibilgailuak, N-636tik datozenak, N-634 errepidera bideratuko dira Donostiarantz joan nahi badute, eta Ermuko lotunean sartuko dira AP-8 autobidera.
• BI-633 errepidetik datozenak, Garaitik eta Berrizetik, N-634 errepidera bideratuko dira Donostiarantz joan nahi badute, eta Ermuko lotunean sartuko dira AP-8 autobidera.

Interbiak sozietateak seinalatuko ditu egin beharreko bide aldaketa guztiak, eta eragozpenak barkatzeko eskatzen du.