Autopista moztuta egongo da gaur gauean Bilborako noranzkoan

Interbiak Bizkaiko Foru Aldundiaren sozietate publikoak AP-8 autobideko erabiltzaileei jakinarazten die Ermuko Hegoaldeko Saihesbidea eraikitzeko lanak direla eta, galtzada moztuta egongo dela Bilborako noranzkoan gaur, astelehena, 22:00etatik bihar goizeko 06:00ak arte.

Ermuko eta Gerediagako lotuneen artean izango da mozketa (75 kilometrotik 84ra), eta hori dela eta, Ermuko sarbidea itxita egongo da Bilborako noranzkoan.

Zortzi ordu horietan, trafikoa N-634 errepidetik desbideratuko da. Egin beharreko aldaketak adierazteko, seinaleak jarriko ditu Interbiakek.

Sozietate publikoak mozketak eragin ditzakeen eragozpenak barkatzeko eskatzen du.

Informazio gehiago behar izanez gero, kontsulta ezazu Interbiaken webgunea.