Ikastetxeetan ‘ura eta erreka’ izenburuko tailerrak egin ditu Ingurumen Heziketa Zerbitzuak

Udal Ingurumen Heziketa Zerbitzuak ‘ura eta erreka’ izenburuko tailer tematikoak egin ditu herriko ikastetxeetan. Tailerrak monografikoak izan dira eta ‘Agenda 21’ ekimenaren barne txertatzen dira.

Ikasleek saioak ikasgelan egin dituzte eta horietan, urak oro har nahiz horiek eramaten dituzten erreka edo ibaiak gaur egun dituzten arazoak –kutsadura, landare eta animaliak, erabilerak, mehatxuak, eta abar- hizpide izan dituzte.

Azpiko argazkian ikasgelatan egindako saio baten hartutako irudia uzten dizuegu. Horretan ikasleak ikus ditzakegu ornogabe espezieak identifikatzeko lanetan, gida lagungarri batez baliatuta.