Hirigintzari buruzko ingurumen tailerrean gidari izan da Lobiano jauna

Ingurumen Heziketako udal zerbitzuak pertsonaia berria erantsi dio egiten duen lan didaktiko eta pedagokioari, abenduan ‘ReziklAitor’ izenekoarekin egin bezala. Hori horrela, zerbitzuak berriki gauzatu duen Hirigintza tailerrean ‘Lobiano jauna’ pertsonaiaren parte hartzea izan du, zeina herriko kaleetara nahiz eraikin esanguratsuetara eginiko txangoan gidari izan den. Ingurumen Zinegotzigoak sustatzen ditu bai heziketa zerbitzua baita tailer monografikoak ere.

San Pelaio ikastetxearen Lehen Hezkuntzako eta 3. mailako ikasleek pertsonaiarekin batera herrian zehar ibili dira eta Ermuan jasandako hazkuntza urbanistikoaren arabera lekurik esanguratsuenak bisitatu dituzte. Taldea Probalekun, plazan, udaletxean, Lobiano jauregi ohian eta gaur eguneko kultutgunea denean egon dira. Orain hamarkada batzuk atzera eta XIX. eta XX. mendetan herria nolakoa zen kontatu eta datuak eman dizkie pertsonaiak.

Ikasle gazteenek ikusmin eta kuriosotasunez jarraitu dituzte gidaren azalpenak eta, txantxa puntu batez, bere garaiko Ermua zaharrean bizitzaren nondik norakoak eta ezaugarriengatik galdetu diote Lobianori. Aldez aurretik gelan landutako planoez baliatu dira kideen, orientazioa nahiz espazioaren ingurukoak lantzeko kalean bertan.

Pertsonai abegitsu hau, aurtengo ikasturtean gaia edo atal hau lantzeko eskabidea bideratu duten taldeekin ere aterako da.