Plazan elektrizitate eta zerbitzuetarako dituen armairuak berrantolatu eta bilduko ditu Hirigintzak

Hirigintza udal Alorrak Orbe Kardinalaren plazan dituen elektrizitateko eta zerbitzuetarako armairuak bildu eta berrantolatuko ditu, oztopo hainbat ezabatuz irisgarritasun eta segurtasunaren mesedetan. Aipatu armairuetan azpiegitura hainbat zerbitzu emateko instalazioak ditugu; besteak beste, kaleko argiteria, arrapala mekanikoen argindarra, zuntz-optikoko konexioak, eta potentzia ezberdineko bestelako osagarri hainbat (korronte alterno 220-240V monofasikoa eta 380-400V trifasikoa) kultur jardueratan eta jaietan erabiltzeko –megafonia, dantzaldietarako argindar hartuneak, eta abar-… Armairu edo koadro horiek plazako ertz baten zeuden, arrapala mekanikoaren eta Titanik establezimenduaren aurrez aurre, altxa beri den eraikinarekin mugan. Izan ere, eraikin berri horren albo batera eraman eta bertan bilduko dira, gure udalaren eta eraikinaren jabeekin adostutakoari esker.

Aldaketa hori egiteko lanak astelehenean hasi genituen eta une honetan zerbitzu sare eta kableak lekuz aldatzeko lur-ebakia prestatzen ari dira langileek. Eta baita bertan dauden linean identifikatzen zahar eta berriak nahasturik baitaude, batzuk korrontea dute eta beste hainbat ez, erabilerarik ez dutelako. Lanak ‘Egondo’ enpresakoek egiten ari dira. Armairu eta kaxak lekuz aldatzean metro erdiko altuera eta metroko zabalera duen petrila ezabatzea posible egingo du, horren gainean zementuzko euskarria dagoelarik entxufe eta hainbat hartune dituen mastarekin.Masta horren bidez kableak jartzen dira, bihar irekiko den liburu eta disko azokarako etxolei edo musikakoei argindarra emateko.

Armairuak lekuz aldatuz lekua libre uzteaz gain plazako itxura estetikoa ere hobetuko da; umeek jolasean igotzen diren eta arriskutsua izan daitekeen petril edo irtengunea ezabatuz. Elementuak txukunago biltzean, plaza abegitsuago eta seguruago izanik guztiok.