Estazio eta ibilbide berria zabaldu eta jardunean jarri du gaur ETSk, mugarria betez

Euskal Trenbide Sareko (ETSko) trenek gaurtik Ermuan burdin bidearen zati, zubi-bide eta tunel berritik doaz, San Antonio auzotik Eitzara arte (Zaldibar) Izpilla mendi parajea lur-azpian eginez. Estazio berriaren nasan bidaiariak jaso eta uzten dituztelarik eguneko lehenen unitatea igaro denetik, jardunean jarri eta erabiltzen hasi baita gaur estreinakoz. Egunero Eibar edo Durangoko ikastetxe eta lantegietara doazen erabiltzaileek azpiegitura jardunean jartzea atseginez hartu dute. Tunela eta bide zati berria erabiltzean Durango-Matiko-Bilbo noranzkoan doazen unitateek bidaia laburtu egin dute bi minututan.

Obren ondoren, gaurtik geltoki moderno eta irisgarria izango dugu Ermuak, erdian 80 metro luze den nasa izanik. Halaber, irisgarritasun eta segurtasun gehiago izango da, lehenagokoa kurban zegoelako eta unitateetatik nasara zegoen tartea handiagoa zelako. Ermuan bizi dugun XXI. Mendeari dagokion bezalako azpiegitura eraikitzeko proiektu estrategiko honen barneko mugarri handi eta garrantzitsua bete du gaur ETSk.

Geltoki berria trenbidearen azpian kokatuta dago eta instalazio zabalak izanik. Nasara eskailera batzuen bidez edo igogailua erabilita igotzen da. Eraiki diren bi nasetatik momentuz bat erabiltzen ari dira trenek. Langile taldeak obrak egin bitartean erabilitako eta aldi-baterako geralekua desmuntatzen ari dira. Lan ezberdinek aurrera jarraituko dute udaberrira arte, oraindik hainbat gauza egiteke eta errematatzeke daudelako.