Arimak alaitzeko musika: kalejira konfinamenduaren hirugarren asteburuan

Ermuarrok bihar ere gozatu ahal izango dugu musikaren animazio kalejiraz, aurreko azken bi asteburuetan egindako legez koronabirusaren pandemia dela eta etxean gelditzeko beharraren derrigortasuna eramangarriago egiteko. Ekimena batez ere haur txikienei eta adineko pertsonei zuzendutako dago eta udalerri osora zabaldu dugu, hasieratik oso harrera ona izan duelako. Horretarako, hiriko ibilbidea bi zatitan banatu eta goiz eta arratsaldeko kalejira egitea pentsatu dugu, musikaren alaitasunik gabe ez uzteko inolako auzo, kale, txoko eta bazterrik.

Bihar haurrentzako beste bi abesti ezagun eta dibertigarri erabiliko ditugu; oraindik zehazteke ditugunak. Bi abestiekin 7 bat minutu betetzen dira eta ia 50 geldialdi aurreikusita daude. Autoaren geldialdien arteko joan-etorrietan,  beste abesti bat erabiliko da. Ibilgailuak goizeko 11: 00etan ekingo dio ibilbideari Okin Zuri auzotik hasita, eta arratsaldeko 2:00ak aldera amaituko du Sallabenten. Autoa pasako den ordutegiak erreferentzialak eta gutxi gorabeherakoak dira, hortaz errefentzia gisa hartu malgutasunez:

• 11:00etan: Okin Zuri.
• 12:00etan: Zubiaurreko goiko aldea, S Roke eta S. Isidro
• 12:45etan: Santa Ana, Abeletxe, Kaltxango..
• 13:00etan: Bizkaia eta Gipuzkoa Etorbideak
• 13:30etan: Sallabente. Ordu 2ak inguruan bukatuz.

Arratsaldean, poza kaleetara eta balkoietara eramateko kalejira musikala 17:30etan abiatuko da Abeletxeko Adinekoen Egoitzatik. Aurreikusitako ibilbidea eta erreferentziako ordutegi estimatua honako hau da:

• 18:00etan: Zearkale eta San Pelaio.
• 18:45etan: Aldapa eta Ongarai
• 19:15etan: Errebalburu.
• 19:45etan: Probaleku eta Zubiaurre.

Dantza familiarekin bat balkoian eta gozatu. Eutsi goiari!