Baliabide gida anitz: familia aniztasuna

Udal liburutegiak gai zehatzen inguruko gida azkarrak egiten jarraitzen du eta bere azken proposamenetako bat Covid-19a bizi dugun garai honetan familia aniztasunari buruzko hainbat material laburbildu eta eskaintzea: liburu, artikulu eta ikus-entzunezkoak biltzen dituena.

Gaur, maiatzak 15, Familiaren Eguna ospatzen da eta gizartean oinarrizko instituziotzat hartzen den arren, familia tradizionalaren eredua hegemonikoa izateari utzi dio. Egiturak dibertsifikatu egin dira, baita bizikidetza moduak ere, eta horrek eredu berriak ekarri ditu. Gida txiki honetan hori islatzen duten artikulu, elkarte, liburu eta ikus-entzunezko batzuk aurki ditzakezue.

Egindako azken giden artean, Bidezko Merkataritza edo Euskadiko Hirugarren Sektore Soziala daude, horietako bakoitzari buruzko informazioa hainbat formatutan jasotzen duena. Gainera, tokiko ekimenak aipatzen dira, hala nola ZukAldatu (bidezko eta hurbileko merkataritzako ekimena) edo Eibar-Ermua Gurutze Gorria (hirugarren sektoreko erakundea), pandemian gure udalerrian boluntariotza antolatzeaz arduratzen ari dena.