'Poztasunez zipriztinduak’ 2021eko Santixauetarako

Cristobal Aguiló Domínguez 52 urteko Cartagenako bizilaguna (Murtzia) izan da Santixauetako kartel lehiaketaren irabazlea. Bere diseinuak, Salpicados/as de alegría izenekoak, 600 euroko sari bakarra eskuratu du.

Aurten herriko jaiak ospatuko ez diren arren, Ermuko Udaleko Kultura Sailak lehiaketa hau konfinamendu aldian eskaini den beste jarduera bat gehiago bezala mantentzea erabaki du. Gainera, kartel irabazleak 2021eko Santixauetako egitaraua ilustratzeko gordeko da.

Salpicados/as de alegría, Poztasunez zipriztinduak kartelak gure festetako gozamenaren interpretazio dinamikoa erakusten du, ura protagonista dela.

Epaimahaiak positiboki baloratu du lehiaketara aurkeztutako 26 lanen kalitatea.