Ermuak bertan behera utzi du 2021eko Ihauterien ospakizuna

Ermuko Udalak 2021eko Ihauterietarako aurreikusitako jarduerak bertan behera uztea erabaki du, antolaketan parte hartzen duten kolektiboekin bat eginez, bizi dugun egoera epidemiologikoaren larritasuna dela eta.

Jai herrikoi hauek otsailaren 11tik 16ra bitartean ospatzekoak ziren aurten, baina egun bizi dugun egoera dela eta, ezin da mota horretako jaiegun sozial nabarmenik antolatu.

Udalak erantzukizuna eskatu du egun horietan, jende pilaketak saihesteko eta ezarritako osasun arauak betetzeko, birusaren hedapena eten ahal izateko.