Asteazkenean irekiko dugu aurtengo Trakzio Mekanikoko Ibilgailuen gaineko Zerga ordaintzeko epea

Borondatezko epea apirilaren 6tik maiatzaren 6ra bitartekoa izango da gure udalerriko 8.223 ibilgailu motordunen titularrentzat.

Ermuko Udaleko Diru-bilketa Zerbitzuak datorren asteazkenean, apirilaren 6an, irekiko du Trakzio Mekanikozko Ibilgailuen Zerga (TMIZ) ordaintzeko borondatezko epea. Epe hori hilabetez egongo da zabalik, maiatzaren 6ra arte, ostiralera bitartean.

Ermuko ibilgailuen erroldak gora egin du, eta orain Ermuan 8.223 ibilgailu motordun daude, eta horien jabe guztiek ordaindu behar dute zerga hau. Ibilgailuen titularren %65,45k ordainagiria helbideratuta dute; beraz, %4ko hobari edo deskontua dute fakturan. Pertsona horiek apirilaren 8an jasoko dute kargua bankuko kontuetan.

Bestalde, ordainagiria helbideratuta ez duten ibilgailuen titularrei gutun bat eta dagokion inprimakia bidaliko zaie etxera. Horrela, ordainketa 5 banketxe laguntzaileetako edozeinen leihatilan, kutxazainean edo webgunean egin ahal izango dute: Kutxabank, Caixabank, Laboral Kutxa, BBVA eta Rural Kutxa. Eusko Jaurlaritzaren Ordainketa Pasabidearen bidez ere ordain daiteke zerga, inprimakietan agertzen diren kodeak erabiliz. Borondatezko epea igarotakoan, maiatzaren 7tik aurrera, ordainagiriak betearazpen-bidez ordaintzea eskatuko da, eta hasierako errekargua %5ekoa izango da. Errekargu hori %20ra arte iritzi daitekeelarik.

TMIZ Udal-titulartasuneko zuzeneko zerga da, nahitaezkoa. Ermuaren kasuan, erakundeak kudeatzen duen zergarik garrantzitsuena da, bai eragiten dien pertsona-bolumenagatik, bai guztizko diru-kopuruagatik. Ekitaldi honetan 916.103,37 euro biltzea aurreikusten da.

Bide publikoetatik zirkulatzeko gai diren trakzio mekanikoko ibilgailuen titulartasuna zergapetzen duen zerga da, edozein motatakoak eta kategoriatakoak direla ere. 9/2005 eta 7/1989 Foru Arauetan xedatutakoaren arabera aplikatzen da, eta Ermuko udalerrian aipatutako zergaren ordainarazpena arautzen du, udalerriko 3. Ordenantza Fiskalaren bidez.

Zerga-kuotak ondoren zehazturiko tarifa taulan jasota daude. Taulatan zehazten da ibilgailu bakoitzari ordaintzea dagokion kopurua ondoren zehazten ditugun faktoreetako baten arabera: potentzia fiskala, plaza kopurua, zama eramateko gaitasuna edo zilindrada.

Zirkulaziorako egokitzat jotzen dira dagokion errolda publikoetan matrikulaturik dauden ibilgailuak, horiei baja eman bitartean. Bide publikotik zirkulatu ditzaketen trakzio mekanikoko ibilgailuen titulartasuna kargatzen du zerga-egitateak, mota eta kategoria edozein izanik ere. Ermuan zerga hau ordaintzetik salbuetsita daude hainbat titular, autoak minusbaliatuenak direlako edota historikotzat hartzen direlako, matrikula historiko propio edo berezkoarekin.