Alboka Musika Eskolak matrikula epea ireki du

Alboka Musika Eskolak matrikula egiteko epea zabalduko du gaurtik hasi eta hilabetea amaitu arte, 5 urtetik aurrera eta adin mugarik gabe, 2022-2023 ikasturtean eta irailetik aurrera ikastegian hasteko. Informazio gehiagorako ikastegiko jo idazkaritzara, goizeko 9:30etatik 12:00etara eta arratsaldeko 15:30etatik 20:00etara bitarteko ordutuegian. Ostiraletan, arratsaldeko sei eta erdietara arte.

Albokak musika-hizkuntzako hiru maila eskaintzen ditu bere ikasketa-planeanbarne: adar polifonikoa, sinfonikoa, tradizionala eta joera berriak. Bere talde eskaintzan abesbatza, banda, modernoa, gitarra taldea, batukada, trikitixa eta ganbera musika ditu. Irakasleen klaustroa hamar bat lagunek osatzen dute.

Ekainaren 14, 15 eta 16an ikasleek ikasturte amaierako kontzertuak eskainiko dituzte. Ostiralean, hilak 17, Alboka Eguna ospatuko da eta erakustaldia Orbe Kardinalaren plazan izango da.

Solfeoa edo musika ikasi, instrumenturen bat jo, abestu edo musika talde bateko kide izan nahi baduzu, ez pentsatu gehiago, hau da zure aukera. Izena emateko edo informazio gehiago nahi izanez gero, jo ikastetxeko idazkaritzara.