Jomuga jatorrian bertan dago

Eskualdean gure inguruko edo zero kilometroko produktuei buruzko kontzientziazio kanpaina bat gauzatzen ari da egunotan. Durangaldeko ekoizleengandik gertu dauden elikagai osasungarriak, gure herrietako denda eta dendetan eskura ditugula ohartarazteko. Mezu hori helarazi zaigu herritarroi, eta bereziki gazteei. Datorren igande eguerdian Iurretako ''Bizio'' sagardotegiko produktuak dastatzeko aukera izango da Ermuan.

Gaurtik igandera, abenduaren 16tik 18ra, sukalde-erakusketak eta produktu-dastatzeak izango ditugu Durangaldean, besteak beste, Ermuan, Zornotzan eta Elorrion.

• Abenduaren 16a, ostirala, 12:30ean. Gaur egungo artisau-ogia Arrazolako Panarra okindegiko Gabiren eskutik. Non: Elorrioko plazako frontoia
• Abenduak 17, larunbata, 12:00etan Elikadura eta kontsumo moduak Ana de la Maza garagardogile eta kontserba ekoizlearen eskutik, Garaikoa. Non: Zornotzako herriko plaza
• Abenduaren 18an, igandea, 12:00etan. Etorkizuneko sagardoak, Iurretako ''Bizio'' sagardogileen eskutik. Non: Ermuko Orbe Kardinalaren plaza

''Jomuga jatorrian'' kanpainak Durangaldeko elikagaien, biztanleriaren kontsumo osasungarriaren eta eskualdeko ekonomiaren alde egiten du. Helburu nagusia Durangaldeko elikadura-subiranotasunari buruzko hausnarketa piztea eta komunitatea sortzea da.