13 eta 17 urte bitarteko gazteek askotariko jarduerak edukiko dituzte uztailean

22.05.24
Cartel Uda Gazte Jolasak
Kultura eta Gazteria
Kirolak
Gizartea
‘Udako jolasak gazteentzat’ doakoa da eta lehen hamabostaldian gauzatuko

Udal Hezkuntza, kultura, gazteria eta kirol sailak udaleku kanpaina antolatu du 2007ko urtarrilaren 1etik 2011ko abenduaren 31ra bitartean jaiotako gazteentzat. Jarduerak astelehenetik ostiralera egingo dira uztaileko lehen bi asteetan, 9:30etik 14:30era bitarteko ordutegian. Txangoak egiten dituzten egunetan ordutegia 17:00ak arte luzatuko da. Jarduera gehienak herrian egingo dira, eta parte-hartzaileak entretenitzeko eta garatzeko tailerrak eta jarduerak izango dira. Horrez gain, herri ezberdinetara txangoak egingo dira surf edo eskalada jarduerak egiteko

Aisialdiko eta denbora libreko jarduera horietan partaideen ongizate emozional eta fisikoarekin, ingurumenaren sentsibilizazioarekin, parte-hartzearekin eta lankidetzarekin lotutako hainbat alderdi landuko dira.

Jarduerak uztaileko lehenengo bi asteetan egingo dira. Parte hartu nahi dutenek bi asteetako batean edo bietan eman dezakete izena. Programan izena ematea doakoa da. Izena emateko epea astebetekoa da, maiatzaren 29an hasi eta ekainaren 5ean itxiko da. Izen-emateak Abiapuntu bulegoan bertan edo modu telematikoan tramitatu ahal izango dira Ermuko Udalaren egoitza elektronikoaren bitartez.

Aste bakoitzean 18 gazterentzako lekua dago, eta izena-emateak eskainitako plaza kopurua baino gehiago bada, zozketa publikoa egingo da ekainaren 12an, goizeko 9etan, Osoko Bilkuren Aretoan. Egun horretan bertan argitaratuko da parte hartuko duten gazteen zerrenda.

Lotutako albisteak

Imagen
El triatleta ermuarra Miguel Ledesma, en la meta de Coimbra | Miguel Ledesma triatloilari ermuarra, Coimbrako amaiera lerroan
24.06.24
Miguel Ledesma ermuarra, Triatloiko Europako Txapeldun

Herriko atletak distantzia ertaineko denborarik onena lortu du Coimbran, Portugalen
Imagen
24.06.24
Ermua Sarean | En Red, adinekoen nahi gabeko bakardadeari aurre egiteko prest

Proiektua Lobiano Kultur Gunean aurkeztuko da ostegunean, hilak 27, 13:15ean
Imagen
Premio en la ctegoría de 0 a 12 años de edad
21.06.24
Abian da Bookface udako lehiaketa

Ekimen dibertigarri honen hirugarren edizioa irailaren 15era arte luzatuko da