'2024ko Santixau' jaien kartela aurkeztu da

Uztailaren 24tik 27ra bitartean Ermuan ospatuko diren "Santiago Apostoluaren" omenezko herriko jai nagusiek badute 2024ari dagokion edizioa iragartzeko kartela. Ernesto López Bañuelos da bere egilea, udal kultura sailak antolatutako kartel lehiaketa irabazi baitu. Ernesto López ermuarra da eta 600€-ko saria jasoko du.

Kartel irabazleak gure jaietako jarduera eta elementu ugari modu oso originalean islatzen ditu, orekaz eta kolorez beteriko irudi geometrikoek osatuz. Jai Batzordeak bere azken saioan -herenegun, maiatzak 15- ebatzi zuen lehiaketa. Kartel horrek jarduerak zabaltzeko argitaratzen diren programak eta kartelak ilustratuko ditu.