2026ko Aurrekontu-partehartzaileen ‘Ermuak Erabakitzen du’ prozesuko bozketa zabalik

19.05.25
Erakundea
Herritarren Parte-hartzea, Gardentasuna eta Kalitatea
Gizartea
Egoitza elektronikoan edo Abiapuntun maiatzaren 30era bozkatu ahal izango dugu bideragarriak diren 31 proposamenen artean gustukoena

Ermuak erabakitzen du’ parte-hartze prozesua hirugarren faseari ekin dio gaur eta gaurtik  hilaren azkenera udal sailek 2026an gauzatzeko bideragarritzat jo dituzten 31 proposamenenak bozkatu ahal izango ditugu ermuarrok, ekitaldi horretako aurrekontuaren kargura. Bozkatzeko epea maiatzaren 19tik 30era izango da. Herritarrek erabakiko dute 2026ko udal-aurrekontuko 250.000 euro zertan erabiliko diren. Zenbateko hori lau adin-taldetan banatuko da, bakoitzak bere diru-partida izanik.

Hamabi egun horietan, 6 eta 17 urte bitarteko gazteek adin-tarte horretako proposamenak bozkatu ahal izango dituzte ikastetxeetan egingo diren tailerren bidez. 18 urtetik gorakook nahitaez identifikatu beharko dugu botoa emateko, eta bi bide izango ditugu: aurrez aurrekoa Abiapuntu bulegoan; bertan, baliozko dokumentu ofizial batekin identifikatu ondoren, paperezko inprimakia jasoko dugu, eta bete ondoren bertan entregatuko. Bigarren modua online izango da, egoitza elektronikoaren bidez, eta, horretarako, ziurtagiri digital bat eduki beharko dugu. Boto-emaile bakoitzak bere adin-tartean bakarrik bozkatu ahal izango du.

Pertsona bakoitzak dagokion adin-tartean bakarrik eman ahal izango du botoa.

Adin tarte bakoitzerako aurkeztutako proposamenak hemen kontsultatu ahal dira, eta pertsona bakoitzak dagokion tartean gehienez ere hiru ideia aukeratuko ditu.

Ekainean prozesuaren emaitza argitaratuko dugu, eta herritarrek gehien bozkatutako proiektuak gauzatzeko aurreikusitako plangintza azalduko da.

Lotutako albisteak

Imagen
10.07.25
Azaleko minbizia prebenitzeko modurik onena, eguzkitik babestea da

Minbiziaren Aurkako Elkarteak eta herriko boluntarioak informazioa eta gomendioak emango dituzte gaur Betiondon
Imagen
09.07.25
‘ZainSare’ programaren hiru udalerri pilotuetako bat izango da Ermua

Eusko Jaurlaritzarekin hitzarmena sinatu du gaur, Arrasate eta Amurriorekin batera
Imagen
09.07.25
2025-2026 ikasturterako materiala herriko dendetan erosteagatiko laguntzak

Eskaerak irailaren 1etik aurrera aurkez daitezke eta laguntzek ia berrehun mila euroko zuzkidura dute