Abian da Ermua Hiria Literatur Lehiaketaren XXX. edizioa

Udal Kultura Sailak, liburutegiaren bitartez, urteroko Ermua Hiria Literatur Lehiaketaren hogeita hamargarren edizioa antolatu du. Lehiaketa lau modalitatetan banatzen da: narratiba eta poesia, euskaraz eta gaztelaniaz.

Estatuko lurraldean bizi den eta 2007an eta aurrekoetan jaio den edonork parte har dezake lehiaketan. Parte-hartzaile bakoitzak gehienez lan bat aurkeztu ahal izango du lau kategorietako bakoitzeko, originala eta beste lehiaketa batzuetan saritu gabea.

Bete beharreko baldintza teknikoei dagokienez, narrazioen kasuan, aurtengo edizioko gaia umorea izango da, eta piezek, gehienez, DIN A4 tamainako 10 folio hartuko dituzte. Konposizio poetikoei dagokienez, gai eta metrika librekoak izango dira, baina ezingo dituzte 100 bertsoak gainditu.

Lehiaketara aurkeztutako lan bakoitzak izenburu bat izango du eta izengoiti batekin sinatuta egon beharko du, bestelako daturik gabe, egilearen anonimotasuna gordetzeko. Honen datu pertsonalak (izen-abizenak, NANaren kopia eta harremanetarako telefonoa) erantsitako artxibo batean edo gutun-azal itxi batean (plika) sartuko dira, aurkeztutako obrekin batera.

Lanak hiru modutara aurkeztu ahal izango dira:

• Posta elektronikoz, biblioteca@udalermua.net helbidera mezua bidalita eta hiru artxibo erantsita: idazlana, PDF formatuan eta Word edo editatu daitekeen beste formatu batean, eta beste PDF bat egilearen datuekin.
• Posta arruntez, Ermuko Udal liburutegira (Goienkale z/g, 48260 Ermua, Bizkaia) lanaren kopia bat eta plika bidalita.
• Eskura, lanaren kopia bat eta plika Udal liburutegian entregatuz.

Lehiaketara aurkezteko epea maiatzaren 3an, ostirala, 23:00etan amaituko da.

Proposamen guztiak jaso ostean, lehiaketarako propio eratutako epaimahaiak guztiak aztertu eta baloratuko ditu, kontuan izanik lanen eta gaien originaltasuna, hizkera aberastasuna eta ortografia akatsik edo erreferentzia diskriminatzailerik ez izatea.

Epaimahaiaren erabakia ekainaren 26an jakinaraziko da webgune honen bitartez.

Kategoria bakoitzeko pertsona irabazleek 500 euroko diru-saria jasoko dute.