Aldapa kalean oinezkoentzako pasabide berri bat izango da

Udalak oinezkoentzako pasabide berri bat jarriko du Ongarai auzorako igoeran. Aldapako 3. zenbakiaren parean egongo da, eta bi ertzetako espaloien arteko pasabide seguru eta erregulatua ahalbidetuko du; Aldapa eta arrapala mekanikoak daudenen artekoa, eta alderantziz. Proiektuak egoera normalizatu nahi du eta babesa eman, oinezkoentzako irisgarritasunaz gain. Alde batetik bestera igarotzeko puntu hori -arrapala mekanikoen tarteen arteko espazioa- urrunetik erabiltzen da, herritarrek aspalditik zeharkatzen baitute leku horretan modu irregularrean, zebra-biderik ez dagoelako.

Oinezkoentzako pasabide hori altua izango da, lau metroko zabalera izango du eta margotuta joango da. Aste honetan hasi da obra, beharrezko makineria eta materiala lekuz aldatuta. Baita zenbait aparkaleku aldi baterako erreserbatuz ere. Arrapala mekanikoen aldean espaloi txiki bat egingo da sarbidea errazteko. Obra Abadiñoko ‘Construcciones Lasuen' enpresak egingo du, 16.870 euroko zenbatekoan, gehi BEZa. Aurreikusitako exekuzio-epea bi astekoa da.