Atzerritartasun Legeari buruzko informazio saioa

Udal immigrazio zerbitzuak Atzerritartasun Legearen hainbat alderdiri buruzko informazio emateko saio berria antolatu du. Saioa Ermuko Lobiano Kultur Gunean (Goienkale, 10) egingo da, azaroaren 26an, asteazkena, 17:30ean.

‘Bide Eginez’ elkarteko abokatu batek, Aholku Sarea-Atzerritartasun arloko Arreta Juridikoaren Euskal Sarearen erakundeko laguntzaileak, egoitza eskuratzeko baldintza eta eskakizun berriei buruzko informazioa emango du, azaroaren 19ko 155/2024 Errege Dekretua indarrean jartzen denetik aurrera (155/2024 Errege Dekretua, Atzerritarrek Espainian dituzten eskubide eta askatasunei eta haien gizarteratzeari buruzko urtarrilaren 11ko 4/2000 Lege Organikoaren Erregelamendua onartzen duena).

Saioan hainbat gai jorratuko dira, hala nola aldi baterako bizilekua, salbuespenezko inguruabarrak, bigarren aukerako sustraitzeak, alderdi sozialak eta lanekoak, familiakoak, adingabe atzerritarrak eta iraupen luzeko bizilekua.