Aurtengo 'Migratzaileen Nazioarteko Eguna' Ermuan ospatuko da

Eusko Jaurlaritza "Migratzaileen Nazioarteko Eguna"ren ospakizuna bultzatzen ari da Nazio Batuen Batzar Nagusiak aldarrikatutako egunean. Iaz Guardian (Araban) egin zen, eta udalerri horrek Ermuari eman zion lekukoa. Aurten, Ermuak hartuko du ekitaldia. Ospakizun ekitaldia ostegun honetan, abenduak 18an, 18:00etatik 20:00etara, gauzatuko da Ermua Antzokian.

Erakundeen bultzada

Eusko Jaurlaritzatik, Ermuan izango dira Nerea Melgosa, Ongizate, Gazteria eta Erronka Demografikoaren sailburua; Xabier Legarreta, Gazteria eta Erronka Demografikoaren sailburuordea; eta Ignacio Fariña, Etorkinen Harrera eta Integrazioko zuzendaria. Toki udalbatzaren aldetik, Beatriz Gámiz alkatea eta Arritokieta Araiztegi Immigrazioko alkateorde eskuordea izango dira ekitaldiko buru.

Ekitaldian zazpi ermuar erakunderen lana aintzatetsiko da

Ekitaldian Ermuko gizarte zibileko zazpi erakunderen lana aintzatetsiko da. Honako talde hauek dira: Santiago Apostol parrokia, Nazioarteko Elkartasun Kontseilua, eta Marokoko Yallah Zurekin, Kultura Latinoamerika, Saharaz azpiko Afrikako Atcade, Adema eta Paace jatorriko pertsonen elkarteak. Horiek guztiak aintzat hartuko dira etorkinak gizarteratzen laguntzeko egindako lanagatik, giza eskubideen, elkartasunaren eta arlo publikoaren eta pribatuaren arteko erantzun kidetasunaren inguruan kontzientziatzen laguntzeagatik.

Adierazpen artistiko anitzak

Ekitaldiko programan artista nabarmenen musika-emanaldiak aurreikusi dira, euskal erritmoen, afrikarren eta tamazigh-en uztartu eta interpretatuko dituztenak. Musika, poesia eta dantza izango dira ekitaldiaren une desberdinetan.

Sarrerak doan

Ekitaldia jendearentzat irekia izango da. Sarerrak zenbakituak dira eta Lobiano Kultur Gunean eskuragarri egongo dira, gaurtik edukiera bete arte. Sarrerak 08:00etatik 21:00etara bitartean jaso ahal izango dira.