Baldosa eta ur-hodi zaharrak berritzeko obrak batera egingo Bizkaia Etorbidean

Ermuko Udalak Bizkaia Etorbideko zenbaki bikoitietako espaloiko baldosa zaharrak aldatuko ditu, Ur Partzuergoak Kaltxango eta trenbidearen azpiko pasabidearen arteko ur-sareko hodiak ordezteko egingo dituen obrak aprobetxatuz.

Zoladura zaharraren ordez, ‘granicem’ izewneko modelo jarriko da, gaur egun udalerriko eremu berrituetan eta jartzen dena bezalakoa. Aldaketa "Gipuzkoako Urak" partzuergoarekin koordinatu ondoren egingo da, partzuergo horrek ur sareko hodien zati berrituko baitu.

"Zonaldean aurreikusita dagoen obra aprobetxatuko dugu birritan jardun behar ez izateko eta Ermuko espazio publikoa hobetzen jarraitzeko. Bizkaia Etorbidean oraindik ere badira baldosa zaharrak dituzten eremuak, eta berritu egingo ditugu, udalerriko eremu berrituetan homogeneotasuna emateko erabiltzen dugun ereduarekin. Koordinazio horrek aukera ematen digu eraginkortasun handiagoz jarduteko, gastuan bikoiztasunak saihesteko eta etorkizunean bizilagunei eragozpenak murrizteko", adierazi du Rosi Cid Hirigintzako zinegotziak.

Obra eremua Kaltxango plazatik Bizkaia Etorbideko tuneleraino doa. Udalerriko sarbide erabilienetako baten egoera orokorra hobetuko da, lan horri esker.

Obrak hasi berri dira eta bi fasetan egingo dira. Lehenengoa, Abeletxeko tunelaren eta Valdespinako markesaren artean egingo da eta, bigarrena, parketik Kaltxango plazaraino. Lanek hiru hilabete eta erdiko iraupena izango dutela aurreikusten da.Epe horretan ibilgailuen zirkulazioari eragingo zaiola aurreikusten da, bereziki Abeletxeko tunelaren inguruan. Bertan, seinalistek araututako pasabide alternatiboa jarriko da.