Baltistanari buruzko diaporama Artarrai Mendi Taldearen eskutik

Artarrai Mendi Taldeak Una aventura en el Baltistán izeneko argazki erakustaldi-hitzaldia antolatu du. Ramon Piñeiro mendizale ermuarrak dinamizatuko du saioa apirilaren 23an, asteartean, 19:00etatik aurrera Lobiano Kultur Gunean.

Irudien paseak Baltistaneko argazkiak erakutsiko ditu, "Pakistango Tibet" bezala ezaguna den lurraldea. Oso eskualde menditsua da, itsas mailatik 3.350 metrotik gorako batez besteko altitudea du, eta munduko bigarren mendirik altuena, K2, bertan kokatzen da.

Sarrera doakoa da eta ez dago izena eman beharrik.