Bederatzi prestakuntza-proposamen, hitzaldiak, filma emanaldiak eta txangoa emakumeak ahalduntzeko

Udal Berdintasun sailak Ermuko Jabekuntza Eskolaren ikastaroak eta jarduerak aurkeztu ditu 2023ko lehen seihileko honetarako. Programazio berri honek bederatzi prestakuntza-proposamen interesgarri biltzen ditu, ikuspegi feminista batetik jorratzeko. Jardueren artean, besteak beste, honako hauek izango ditugu: Mindfulness eta Adimen Emozionalaren Boterea; ahalduntzea eta konfiantza jendaurrean hitz egiteko, zoru pelbikoa indartzeko; basa-landare sendagarriak eta jangarriak prestatzeko, edo historian garrantzitsuak izan diren emakumeen mezuak ezagutzeko.

Programa horrek emakumearen ahalduntzearen aldeko apustua ere egiten du, adierazpen artistiko desberdinen bitartez, hala nola "Barrez lehertzen" umore-tailerra, "Automasaje eta Masaje Tailandiarra" eta "Gorputzaren ahalduntzea zirkoaren bidez", edo zinema-filmen bidez.

Emakumeek eskatutako gaiei buruzko bi hitzaldi ere egingo dira: mendekotasuna duten pertsonen zaintza feminismoen ikuspegitik eta menopausia aukera gisa.

Tailer bakoitzerako izen-emateko 5 euro ordaindu behar dira. Sarrera doakoa da, bai zineforumerako emanaldietara, baita hitzaldietara ere. Jarduera guztietarako beharrezkoa da aldez aurretik Ermuko Emakumearen Etxean izena ematea.

Tailerren edo jardueren xehetasun zehatzak, data eta ordua pdf formatuko "Jabekuntzarako ikastaroak 2023" argitalpenean uzten dizkizuegu.

Hitzaldiak eta txangoa

Lehenengo seihileko honetan bi hitzaldi egingo dira. Bata menopausiari buruzkoa, aukera-leiho gisa (urtarrilak 26), eta bestea mendekotasuna duten pertsonak gure gizartean zaintza zereginari buruzkoa, feminismoaren ikuspegitik (maiatzak 25). Bi hitzaldiak arratseko bost eta erdietan hasiko dira eta bi orduko iraupena izango dute. Emakumearen Topagunean egingo.

Denboraldiari amaiera emango zaio maiatzaren 20ko larunbatean, Burgosko probintziara eta, zehazki, Las Huelgas monasteriora egingo den txangoarekin. Las Huelgaseko monasterioa Akitaniako Leonorrek utzitako ondarea da.

Laburbilduz, adin desberdinetako emakumeei zuzendutako prestakuntza-eskaintza deigarri eta berritzaile batean parte hartzeko aukera paregabea da, besteak beste, ezagutza, esperientziak, aktibismoak, laguntza emozionala eta sareak sortu eta elkarlanean partekatzeko espazioak erraztuko dituena.

Informazio gehiagorako jo Ermuko Emakumearen Topalekura eta deitu 943 17 10 30 telefonora.

‘Jabekuntza Eskolaren ikastaroak 2023' liburuxka.