Bihar ezagutuko nortzuk osatuko dituzten uztailaren 23ko hauteskunde-mahaiak

Udalbatza Osoko Bilkuran bilduko da bihar goizean gure udalerrian uztailaren 23ko igandean, Hauteskunde Orokorren egunean, eratuko diren hogeita bi hauteskunde-mahaietan jardungo duten 198 pertsona izendatzeko, bai eta ordezkoen zerrenda ere. Eguneko gai-zerrendak puntu bakarra du; hauteskunde mahaietan egongo diren pertsonak zozketa bidez zehaztea.

Zozketan izendapena egotzi zaien pertsonen zerrenda ezagutu ondoren, izendapenaren dokumentua prestatu eta jakinarazpenak egiten hasiko dira.

Izendatutako pertsonek zazpi egun natural izango dituzte, jakinarazpena jaso eta hurrengo egunetik zenbatzen hasita, Durangoko Eskualdeko Hauteskunde Batzordearen aurrean herritarren betebehar hori betetzea eragozten dien arrazoi justifikatua edo dokumentatua alegatzeko.