‘Del deporte también se sale', Javi Sanchoren hitzetan

Javi Sancho komiko kataluniarraren ikuskizuna izango dugu bihar Ermua Antzokian, arratsaldeko zortzi eta erdietatik aurrera. Sarrerak 12 euro balio du eta aldez aurretik eros dezakegu Lobiano Kulturgunean eta Internet bidez Kutxabank erakundearen atarian eta bere kutxazainen sarean.

«Erabat zintzoa izango naiz: ikuskizun honetan kirolarekin dudan maitasunaz/gorrotoaz eta inguratzen gaituen kirol-sukarraz hitz egiten dut, biok dakigu jendea erotzen ari dela, baliteke horietako bat izatea, baina zu, gainerakoek ez bezala, atsegina zara», laburbildu du.

Javi Sancho Tarragonakoa da, eta gaztetatik hasi zen umorea lantzen eta ibilbide profesionala egiten. Lau hilabetetan hiru lehiaketa nazional irabazi zituen, horien artean ‘40 Principales’ irratiarena. Horri esker, irrati-kateko komiko ofiziala bihurtu zen.

Ondoren, Zoopa ekoiztetxearekin sinatu zuen eta Bartzelonako Club Capitoleko Comedy Zoo kartelean sartu zen. Horrela, Pepe Rubianes Aretoko karteldegian programatutako komikorik gazteena bihurtu da, non Joaquín Reyes bezalako umoregile handiekin agertokia partekatu duen. Umorearen munduan hain eskalada azkarra izateak bermatzen du Javi Sanchoren lanen kalitatea.