Dokumentazio Unitate Mugikorra Ermura itzuliko da irailaren 16an

Polizia Nazionalaren Dokumentazio Unitate Mugikorra Ermura itzuliko da irailaren 16an, Nortasun Agiri Nazionala (NAN) edo pasaportea berritu behar duten pertsonei arreta emateko. Data berri horretarako hitzorduen erreserba gaur hasi da eta Abiapuntu bulegoan egin behar da, Komentukoa kalean, astelehenetik ostiralera 8:00etatik 14:00etara. Unitatea etortzen den egun bakoitzeko 32 hitzordu daude, eta irailerako kopuru hoori emango guztiak agortu arte.

Unitate hori Ermuko Orbe Kardinalaren plazan dago gaur, dokumentazioa berritzeko edo emateko izapidean herriko pertsonei arreta emateko programatutako zerbitzua eskaintzeko. Unitate mugikorraren arreta-ordutegia 09:00etatik 13:00etara da, eta onartzen duen azken hitzordua 12:30ekoa da.

NANa berritzeagatiko tarifa 12 eurokoa da eta pasaportearena 30 eurokoa, eta kopuru horiek hitzorduaren eta dokumentuak izapidetzearen egunean ordaindu behar dira eskudirutan. Familia ugariak ordaintzetik salbuetsita daude, egiaztagiriak aurkeztu behar dutelarik. Ziurtagiri digitala aktibatzea doakoa da.

Zerbitzua harrera positiboa izaten ari da bizilagunen artean, eta saihestu egiten dute aipatutako izapide administratiboak egitera joan behar izatea.