Elikagaien eta diru-dohaitzen bilketa Saharar herriarentzat

'Rio de Oro' GKEak Karabana Solidarioa 2026 abian du, saharar errefuxiatuentzako elikagaiak eta diru-dohaintzak bildu eta bidaltzeko. Ermuko Udala erakunde honen jarduerarekin elkarlanean ari da, Saharar Herriari Laguntzeko Urteko Programaren barruan.

Ekimena eskualdekoa da, eta herritarrek parte hartzeko hainbat bide aukeratu ahal izango dituzte. Batetik, Durangaldeko eskualdean ikastetxeetan eta herri bakoitzeko ohiko lekuetan biltzen dira elikagaiak. Izan ere, ematen den arroz edo lekale kilo bakoitza elikagai bat baino zerbait gehiago da, itxaropena ere bada. Aurten laguntza humanitarioaren beharra are handiagoa da, laguntza hori nabarmen murriztu delako, horrek dakartzan ondorio tamalgarriekin, osasun krisiak eta Marokorekin berriki izandako gatazka militarrak larriagotu baitute egoera.

Saharako gobernuarekin koordinatuta, honako produktu hauek biltzea erabaki da: arroza, pasta, lekaleak, atun latak, oliba olioa, sardina latak eta konpresak.

Bestalde, Bizum edo banku-transferentzia bidezko dohaintzen bidez ere lagundu ahal izango da kanpainarekin, eta horiek errefuxiatuentzako elikagaiak erosteko erabiliko dira. Dohaintzak hiru motatan edo kopurutan sailkatzen dira:

Bizum bidez dohaintza bat egiteko, sartu aplikazioan, hautatu Egin dohaintza aukera eta bilatu 'Rio de Oro' GKEa 01955 kodearekin. Banku-transferentzia bat aukeratuz gero, erakundeak Laboral Kutxan duen kontu-zenbakia ES90 3035 0129 11 1290034483 da.

Kanpaina amaitzean, Rio de Orok 24 tonako trailer handia bidaliko du Tindufeko errefuxiatu-esparruetara, laguntza humanitarioko tonekin, inflazioak eta gerrak ezinezko egiten baitute familia saharar askok oinarrizko produktu jakin batzuk erostea.