"Eman zure eskua" belaunaldien arteko proiektuak denboraldi berriari ekingo dio

Eman zure eskua belaunaldien arteko topaketa-guneak jarduerari berrekingo dio berriro otsailean, ekimenaren hirugarren edizioa izango den honetan. Ermua-Mallabiko Oinarrizko Lanbide Heziketako Institutuko Ile-apainketa eta Irudi Pertsonala espezialitateko ikasleek Gizarte Zerbitzuek bultzatutako 70 urtetik gorako pertsona autonomoekin bilerak egingo dituzte berriro, bi kolektibo horiek esperientziak partekatzen eta elkarrekin ikasten jarrai dezaten.

Eman zure eskua Ermua Hiri Adeitsua Adineko Pertsonekin proiektu estrategikoaren barruko zeharkako ekimena da, eta Institutuko ikasleen curriculum akademikoan ere sartuta dago. Zerbitzu-ikaskuntza metodologiaren bidez, ikasleek adinekoen eskuetako azazkalak zaindu eta edertuko dituzte, gelan ikasten dituzten teknika estetikoak aplikatuz. Zerbitzu hori ematen den bitartean, belaunaldi ezberdinetako parte-hartzaileen artean esperientziak eta emozioak trukatzea bultzatzen da, estereotipo eta genero eta adin aurreiritzirik gabe.

Ile-apainketa eta Irudi Pertsonaleko ikasleak eta 70 urtetik gorakoen laguntza psikoemozionaleko taldea astean behin bilduko dira, ostegunetan, otsailaren 29tik apirilaren 18ra bitartean.

Ekimenaren aurreko edizioetan, eragile eta pertsona parte-hartzaile guztiek oso positiboki baloratu dute proiektua, balio erantsia ematen baitiete bai ikasleei bai programa komunitario horien erabiltzaileei.