EMOEk antolaturiko aukera azokak jende ugari bildu du ireki eta lehen orduetan

Ermuan merkataritzako aukera-azokaren edizio berria izanen dugu gaurtik larunbat gauera bitartean. Azoka Bizkaia Etorbideko etxabeko lokal batean jarri da eta gaurtik larunbat iluntzera bitartean egongo da zabalik. Azoka Ermuko Merkatari eta Ostalari Elkarteak antolatu du Udalarekin batera eta Eusko Jaurlaritzaren babesaz. Azokara elkarteko kide diren hamar denda bildu dira. Horiek guztiak amaitzear dugun negualdiko produktuak eskaintzen dituzte. Azoka horretan ehungintza eta arropak daude, heldu, haur, gazte eta jaio berrienak, oinetakoak, mertzeria-gaiak eta osagarriekin batera. Azokak bere ordutegi propioa izango du, goizez eta arratsaldez. Goizeko ordutegia 10:00etatik 14:00etara artekoa izango da eta, arratsaldez, de 17:00etatik 21:00etara. Gaurtik larunbatera, biak barne.

Ekimena gaur goizean ireki da eta azokatik eta bertan jarritako saltokietatik bisitari asko pasa dira. Goizean giro polita izan da, herritar eta erosle ugari bildu baitira. Horretarako, kokapen berria edukitzeak eta leku estaliak egoteak ere lagundu egin du, goiza hots eta euritsua izan baita. Ekimenean parte hartuko duten dendak ondorengo zerrendan jasotzen dira: Izagirre, Boress, Dskaro, Kenke, Horacio moda hombre, Margel, Elástic, Gutiérrez, Calzados Eva eta Peque´s.