‘Ermua kulturarteko herria 2026’

Ermua bizitzaz, erritmoz eta zaporez beteko da larunbateko Kulturen arteko Jaian, kultura ezberdinetako bizilagunak bilduko dituen jardunaldi zirraragarri honetan.

Gaur eguerdian plazan egingo den irratsaioarekin hasiko da. SER kateak "Hoy por Hoy" saioa emango du zuzenean, eta immigrazioaren aurkako diskurtsoek gugan eta gure familiengan, bigarren eta hirugarren belaunaldiengan duten eraginari buruzko eragileen iritziak bilduko ditu. Euskal Behatokiko Arkaitz Fullaondok, Larraitz Zumetak eta Ermuko Etorkinen Elkarteek parte hartuko dute. Gaur eguerdian, zuzenean, 12:20etatik 14:00etara.

‘Ermua kulturarteko herria 2026’ lelopean, Orbe kardinalaren plaza kultura-adierazpen hainbaten mosaiko bihurtuko da: musika, dantza, gastronomia, haurrentzako tailerrak eta munduko hainbat txokotako tradizioak, -Senegalgo borroka kasu-, elkartuko dira desberdin egiten gaituena eta, batez ere, komunitate egiten gaituena partekatzeko, elkarrekin bizitzeko eta ospatzeko.

Jardunaldi honek jai-esperientzia paregabea eskainiko du, eta era berean, errealitate eta kultura desberdinak hurbiletik erakutsi ahal izateko gunea ere izango da, elkar ezagutzetik erakartzeko, gure udalerrian elkarrekin bizi diren nortasun kulturalen ulermena eta estimua sustatzeko.