‘Ermuak Erabakitzen du’ 2026ko Aurrekontu-partehartzaileen prozesua hirugarren fasean sartuko

‘Ermuak erabakitzen du’ parte-hartze prozesua hirugarren fasean sartu da. Datorren astelehenetik aurrera udal sailek 2026an gauzatzeko bideragarritzat jo dituzten 31 proposamenenak bozkatu ahal izango ditugu ermuarrok, ekitaldi horretako aurrekontuaren kargura. Bozkatzeko epea maiatzaren 19tik 30era izango da. Herritarrek erabakiko dute 2026ko udal-aurrekontuko 250.000 euro zertan erabiliko diren. Zenbateko hori lau adin-taldetan banatuko da, bakoitzak bere diru-partida izanik.

Hamabi egun horietan, 6 eta 17 urte bitarteko gazteek adin-tarte horretako proposamenak bozkatu ahal izango dituzte ikastetxeetan egingo diren tailerren bidez. 18 urtetik gorakook nahitaez identifikatu beharko dugu botoa emateko, eta bi bide izango ditugu: aurrez aurrekoa Abiapuntu bulegoan; bertan, baliozko dokumentu ofizial batekin identifikatu ondoren, paperezko inprimakia jasoko dugu, eta bete ondoren bertan entregatuko. Bigarren modua online izango da, egoitza elektronikoaren bidez, eta, horretarako, ziurtagiri digital bat eduki beharko dugu. Boto-emaile bakoitzak bere adin-tartean bakarrik bozkatu ahal izango du.

Adin tarte bakoitzerako aurkeztutako proposamenak hemen kontsultatu ahal dira, eta pertsona bakoitzak dagokion tartean gehienez ere hiru ideia aukeratuko ditu.

Prozesuak lau tarte edo talde ditu adinaren arabera, eta horietako bakoitzak partida ekonomiko zehatza du erabakitzen diren proiektuak gauzatzeko. Pertsona bakoitzak adinaren arabera dagokion tartean soilik egin ahal izango ditu proposamenak:

Ekainean prozesuaren emaitza argitaratuko dugu, eta herritarrek gehien bozkatutako proiektuak gauzatzeko aurreikusitako plangintza azalduko da.