Erorikoak prebenitzeko tailer teorikoa eta praktikoa

Eusko Jaurlaritzako Osasun Sailak, Osakidetzako osasun zentroak eta gure udaleko gizarte eta kirol zerbitzuek tailer teoriko eta praktiko bat antolatu dute adinekoen artean erorikoak prebenitzeko. Tailerra doakoa izango da eta bi orduko bi saio izango ditu, Lobiano Kulturgunean eta kiroldegian eginngo direnan maiatzaren 25ean eta 26an, 10:30etatik 12:30etara bitarteko ordutegian. Tailerra gaztelaniaz egingo da eta interesa dutenek aldez aurretik izena eman behar dute: Osasun Zentroan (934 02 26 30) edo Gizarte Zerbitzuetan (943 17 91 61).

Erorketak dira bigarren heriotza-kausa adineko pertsonen artean. Horietatik erdiak etxean gertatzen dira. Estatistiketan oinarrituta, ondoriozta daiteke 65 urte edo gehiagoko pertsonen herenak erori egingo duela datorren urtean. Euskadin gertatzen diren istripuen %92 erorikoak dira. Erorikoek ondorio fisikoak ez ezik, psikologikoak eta sozioekonomikoak ere izan ohi dituzte. Kasuistikaren dimentsioa eta gure gizartearen zahartze progresiboa kontuan hartuta, jarduera Osasun Sailak, Osakidetzak eta gure udalak elkarlanean tailerrak antolatu dute.

Hilaren 25eko saio teorikoan, adinekoen erorketetan eragiten duten faktoreak aztertuko dira, baita jarduera fisiko egokia mantentzeak dituen onurak edo udaleko gizarte-zerbitzuetan ditugun baliabideak baita ere.

Hilaren 26ko atal praktikoan aldiz, euskarrien erabilera zuzena erakutsiko da (bastoiak, makuluak, taka-takak, eta abar). Gorputz-adarrak indartzeko eta erorikoak saihesteko indar-ariketak, jarrera-higienea etxeko lanetan eta beste hainbat gauza interesgarri.