'Ez gara jaitsiko' muntaia Antzokian ikusgai

Euskal Herriko pailazo ezagunenak iristear dira, beste behin, gurera. Biharko egunean, martxoaren 22ko ostiralean, Ermua Antzokian izango dira ‘Ez gara jaitsiko’ titulua duen ikuskizun berriena aurkezteko. Pirritx, Porrotx eta Marimototsek elkarren segidako bi emanaldi eskainiko dituzte Ermuan, lehena 17:00etan eta bigarrena 19:00etan. Sarrerak 6 euro balio ditu eta oraindik bi saioetarako sarrerak daude. Sarrera horiek aldez aurretik eros ditzakegu Lobiano Kulturgunean, Kutxabanken webgunean eta orotariko kutxazainen sarean.

Ikuskizun alai eta koloretsua da, ume nahiz familientzako aproposa dena. 70 minutuko irupena du.

Laburpen txikia

"Marimotots zuhaitz baten adaburura igo da, han goitik lurra hobeto ikusteko. Pirritxek eta Porrotxek atzetik jarraituko diote. Eta zuhaitzez zuhaitz eta adarrez adar, espero gabeko lekuetara helduko dira”.

Abenturarik abentura, ez dute jaisterik nahi izango.