‘La fiebre de los ricos’ eta ‘Las vidas de Sing Sing’ filmak proiektatuko ditu aste honetan Antnzokiak

Ermua Antzokiak zinema-aretoetara iritsi berri diren beste lau estreinaldi eskainiko ditu aste honetan. Ostegunetik astelehenera, Indiako drama soziala, Espainiako zientzia-fikziozko thrillerra, benetako gertaeretan oinarritutako kartzelako drama, Oscar sarietarako 3 izendapen dituena, eta Letoniako animalien animazioa, zeinak Oscar sarietarako 2 izendapen eta Urrezko Globoetan saria dituena.

Zineklubaren saioak "La luz que imaginamos" Payal Kapadiak zuzendutako 2024ko indiar ekoizpena eskainiko du 20:30ean. Epaimahaiaren Sari Nagusia jaso du Canneseko Zinemaldian eta TVEko "Otra mirada" saria Zinemaldian. Sinopsiaren arabera, Mumbaiko Prabha erizainaren errutina aztoratu egiten da Alemanian lan egiten duen senarraren ezusteko opari bat jasotzen duenean.

Zinema komertzialaren atalean, larunbatean 19:30ean eta astelehenean 20:30ean, hurrenez hurren, "La fiebre de los ricos" Galder Gaztelu-Urrutiak zuzendutako filma espainiarra ikusi ahal izango dugu. Zientzia-fikziozko thrillerra da; pandemia bati buruzko distopia. 107 minutu irauten du, eta kontatzen du Laura pertsonaia bere etapa profesional arrakastatsuenean eta goraka doanean, birus hilgarri bat munduko pertsona aberatsenei kutsatzen hasten denean.

Asteko bigarren proposamen komertzialak "Las vidas de Sing Sing" du izena. Greg Kwedarrek zuzendu duen ekoizpen iparramerikarra da, 2024an estreinatua. Benetako gertakarietan oinarrituta dagoen kartzelako drama bat, 107 minutuko luzera du. Sing Sing Zentro Korrekzionalean, munduko segurtasun handieneko espetxe ospetsuenetako batean, espetxeratutako preso talde batek antzezpen propioa antolatu nahi du antzerki-tailer baten baitan.

Azkenik, igandean, arratsaldeko 5etan, "Flow, un mundo que salva" animaziozko zinta ikusteko aukera izango dugu, 2024an estreinaturiko filma da hau ere. Letoniako ekoizpena da, Gints Zilbalodis zuzendu duena. Marrazki bizidunak dira, animalien abenturak kontatzen dituena. Sinopsiak adierazten du, egun batean katu bat esnatzen dela urez estalitako munduan, non dirudienez gizakiak desagertu egin diren. Itsasontzi batean babesten da, beste animalia batzuekin. Baina haiekin ondo moldatzea katuak urari dioen beldurra gainditzea baino erronka handiagoa izango da.

Informazio gehiago Ermua Antzokiaren atalean eta otsaileko bi orrikoan.