Gazteguneak Magia Tailerra eskainiko du urrian zehar

Ermuko Udaleko Gazteria Arloak Magia Tailerra antolatu du urri honetarako, 2010 eta 2014 artean jaiotako gazteei zuzendutako proposamen sortzaile eta parte-hartzailea.

Saioetan parte-hartzaileek magiaren munduan murgiltzeko aukera izango dute, eta hainbat trikimailu eta teknika ikasiko dituzte. Magiaren bidez ingurukoak harritzeaz eta trikimailuekin esperimentatzeaz gain, sormena ere gara daiteke, beraz, honakoa, beste gazte batzuekin batera ikasteko, gozatzeko eta esperientzia desberdin batez aritzeko aukera izango da.

Izen-ematea

Interesa dutenek urriaren 14ra arte eman ahal izango dute izena formulario honen bidez.

Eskainitako plaza kopurua baino eskaera gehiago egonez gero, zozketa egingo da plazak esleitzeko. Lehentasuna izango dute Ermuan erroldatuta daudenek eta aurretik Gazteria Arloak antolatutako beste tailerretan parte hartu ez dutenek. Izena banaka edo binaka eman ahal izango da.

Informazio gehiago jasotzeko edo kontsultak egiteko, Gazteria Arloarekin harremanetan jar daiteke gazteria@udalermua.net helbide elektronikoaren bidez edo 689 042 571 telefonoan.